१७ असोज, काठमाडौं । करिम बेन्जिमाले खेलको अन्त्यतिर पेनाल्टीमा गोल गर्न नसकेपछि रियल मडि्रड आफ्नै मैदानमा ओसासुनासँग १-१ को बराबरीमा रोकिएको छ ।
जारी सिजन रियलले अंक गुमाएको यो पहिलो खेल हो । यो बराबरीले लिगको शीर्ष स्थानमा रहेको बार्सिलोनालाई फाइदा भइको छ ।
ला लिगा उपाधि रक्षाको अभियानमा रहेको रियलका लागि ८०औं मिनेटमा पाएको पेनाल्टीमा बेन्जिमाको प्रहार क्रसबार माथिबाट बाहिरिएको थियो । त्यसअघि रियलका लागि भिनिसियस जुनियरले रियललाई अग्रता दिलाएका थिए । तर, ओसासुनाका लागि किके गार्सियाले बराबरी गोल फर्काएका थिए ।
बेन्जिमालाई फल गरेका डेभिड गार्सियाले ८०औं मिनेटमा रातो कार्ड पाएपछि ओसासुना १० खेलाडीमा समेटिएको थियो । यो बराबरीपछि रियलले ला लिगाको शीर्ष स्थानमा उक्लने अवसर गुमाएको छ ।
७ खेलबाट बार्सिलोना र रियलको समान १९ अंक भएको छ । गोलअन्तरका आधारमा बार्सिलोना शीर्ष स्थानमा छ ।
from समाचार – Online Khabar https://ift.tt/QZWTixn
0 Comments
if you have any doubts, please let us know.